Gúrkutíð!

Ég er voða slöpp eitthvað þessa dagana, í blogginu meina ég þá.  Hef satt að segja ekki mikið að segja og líka frekar lítið af fréttum sem ég hef eitthvað að segja um.  Þannig er það bara.  Það er bara óttaleg gúrkutíð eitthvað.   Börnin dafna vel, já og kallinn s.s líka ef því er að skipta.  Já og auðvitað svo moi sjálf líka. 

Datt annars í hug að það gæti verið sniðugt að fara að rifja upp menntskólafrönskuna.  Ég á jú glósurnar enþá og allt.  Er samt ekki á leiðinni til Frakklands eða neitt, það verður að bíða betri tíma.  Annars bölvaði ég því í sand og ösku um daginn að hafa ekki lært þýsku í menntaskóla líka.  Það hefði í rauninni verið miklu betra.  Þýskan er miklu meira notuð á Íslandi.  Öll þessi þýsku raftæki og allir þessir þýsku manuellar.  Það eru engir leiðarvísar á frönsku.  Allaveganna ekki manualinn með gervihnattadisknum sem bóndinn fjárfesti í um daginn.  Nei, allra leiðbeiningar þar voru á þýsku, já og BARA á þúsku.  Ekki á ensku, ekki á dönsku, ekki á frönsku, nei bara á þýsku.   Ég var næstum því búin að hringja grenjandi í hana Ástu frænku sem á þýskann eiginmann.  En þetta reddaðist nú.  Þannig eru íslendingar.  Það reddast alltaf allt.  Og hver er s.s líka að lesa leiðarvísirinn.  Íslendngar gera heldur ekki svoleiðis.  Það er ekki innprentað í okkur. 

Kannski er það sjálfsbjargarviðleitnin, kannski er það tóm heimska.  Íslendingar virðast ekki virka sem voðalega skynsöm þjóð.  En við kunnum að bjarga okkur, það meigum við eiga.  Við veljum alltaf erfiðustu leiðinna, og förum gjarnan Krísuvíkurleiðinna að hlutunum.  Þannig eru íslendingar bara.  Við erum vön að þurfa að bjarga okkur við erfiðar áðstæður, og þegar hlutirnir eru of auðveldir þá þyngjum við þá aðeins.  Það virðist lítil skynsemi í þvi, en svona erum við bara. 

Sættum okkur bara við það.  

 

Athugasemdir

[Siggi D (IP-tala skráð) 6.3.2008 kl. 09:11]

Svo eru sumir eins og ég sem reyna eftir mætti að fresta því að gera hlutina.

[Heiður Helgadóttir, 6.3.2008 kl. 10:13]

[Jens (IP-tala skráð) 7.3.2008 kl. 09:03]

Eins og þú lærði ég frönsku í menntó, en tók svo þýskuna löngu seinna. Die deutsche Sprache ist einfacher als mann denkt!