Gubbupest, EN GAMAN!

Já gubbubestin er komin í hús.  Skellibjallan er sko engin skellibjalla í dag, liggur bara sofandi í sófanum drulluslöpp og ælandi.  Við snérum við á leiðinni í leikskólann í morgun því hún gubbaði í bílinn, ÆÐISLEGT.  Og nú þarf kallinn að taka sér frí eftir hádegi svo ég komist með hitt barnið til læknis.  Sú er að fara til húðlæknis því hún fékk þennann líka svaka áblástur á hálsinn.  Já hún fékk herpessýkingu í fellingar á hálsinum og er búin að vera á smirslum og kremi núna í nokkra daga.  Hún er reyndar miklu betri en ég fer með hana til sérfæðings á eftir.  Sérfræðings sem er á staðnum.  En það er frekar óvenjulegt hérna á Austurlandinu.  Venjulega koma þeir bara svona dag og dag, en þessi er hérna að staðaldri sem er mjög gott.  Við höfum ekki einu sinni augnlækni á staðnum.  Þeir koma einstaka sinnum.   En svona er þessi heilbrigðisþjónusta.  Þannig að hér er fjör á heimilinu.  Og við sem ætlum að fljúga suður á laugardaginn.  Það skal hafast.

 

Blogg er gott

Sko bara

 

Blogg gegn þunglyndi

Gömul sannindi og ný

Þetta hef ég nú s.s alltaf vitað, að vaktavinna væri ekki fyrir fjölskyldufólk.  Enda er mér alveg voðalega illa við að vinna vaxtavinnu sjálf, með tvö lítil börn á heimilinu.  En stundum er ekki um annað að ræða.  Það er voða skítt.

 

Vaktavinna skaðar fjölskyldulífið

Nei hættu nú...

Þetta er ég ekki alveg tilbúin að kaupa.  Að það sé í lagi að drekka áfengi þegar maður er með barn á brjósti.  Ég bara bekeni það ekki.  Það hefur allt áhrif, það má ekki einu sinni borða mjög saltan mat án þess að krakkinn fái í magann.  Ég fann það m. a. s. þennan stutta tíma sem ég var með hana Soffíu mína á brjæosti að ef ég drakk koffín þann daginn þá var barnið með í maganum.  Ég er bara svo hissa að nokkur læknir skuli láta þetta út úr sér, og það í Svíþjóð sem ég hef alltaf haldið að væri heilbrigðasta þjóð í heimi.  Og að ætla með þessu að nútímavæða ráð handa ólétturm konum.  Mér þykir þetta nú frekar vera afturhvarf til fortíðar ef ég segi fyrir mig.  Ég bara skil þetta allsekki.

 

Í lagi að drekka vín með barn á brjósti