VÁ...

... hvað ég er búin að vera upptekin síðustu daga.  Ég hef verið að líta eftir mínum börnum og annara, og taka á móti fullt af gestum og hitta endalaust af fólki og það er búið að vera brjálað að gera og.......

Frumburðurinn er komin heim.  Hún kom heim á mánudag.  Amma hennar keyrði hana bara austur á land rétt sísona og bróðir minn (örverpið) kom með. 

Mikið rosalega var gott að fá hana heim og ég held að henni hafi þótt gott að koma heim. Hún var allaveganna ekki mikið á því að leyfa ömmu sinni að stoppa á leiðinni.  Samt fannst henni rosa gaman á Selfossi og talaði aldrei um að fara heim. Sem er náttúrulega bara frábært.  Hún er rosalega dugleg að fara svona ein landshluta á milli, ekki orðin 4 ára.

En það var ekki nóg með að mamma væri hérna í tvo daga. Heldur kom bróðir bóndanns líka með konuna og börnin 3.  Þau voru í hjólhýsi og lögðu því í Blöndugerði.  En stóru strákarnir þeirra vildu frekar sofa hér heldur en í þessu þrönga rými sem hjólhýsið er.  Svo ég fékk tvo auka næturgesti. En það er bara flott. Þetta eru góðir strákar og skemmtilegir.

Í dag voru svo hjá mér dóttir og stjúpdóttir annars bróður Bóndans.  Sá bróðir er í samstarfi með okkur í heyskapnum og frúin hans var að vinna en hann út á túni ásamt stráknum.  Það var glatt á hjalla og rosa stuð hjá mínum snúllum báðum.

Veit ekki hvenær ég blogga næst. 

Það er bara svo mikið að géra.

Bæó