Ég er nútímafýkill!

Það er nefnilega alveg merkilegt hvað maður er orðin háður nútímanum og öllum þessum þægindum sem fylgja honum. Ég lenti í því í sumar að uppþvottavélin mín bilaði, smá bilun sem hægt var að laga, en setti allt heimilislíf úr skorðum. 

Á laugardag síðasta var sjónvarpslaust heima hjá mér, þ.e. að sendir sjónvarpsins á Gagnheiði var óvirkur.  Þetta var alveg skelfilegt!!! Það bjargaði okkur að vera með gervihnattadisk sem hægt var að horfa á, en það eru náttúrulega bara erlendar stöðvar.  Svona er maður. 

Og nú er tölvan hjá mér biluð.  Og ég verð að gera svo vel að blogga í vinnunni.  Finnst það alveg hræðilegt en sætti mig við það. 

Hvernig lætur maður þegar rafmagnið fer?  Alveg friðlaus. 

Ég held bara að maður verði að fara að taka sér tak og vaska upp við kertaljós, allaveganna ef að það kémur eitthvað upp á .