Það er fjör

Það er bara fjör hér í bænum, enda hefur næturlífið löngum verið ansi skrautlegt í þessu bæjarfélagi. En það er nú bara gott að lögreglan skuli fá ábendingar frá fólki um svona mál. Gott þegar góðborgarar þessa bæjar eru á varðbergi gagnvart stútum í umferðinni, sem eiga náttúrulega ekki að vera til.

 

Keyrði með tvo stuðara um bæinn

Áramótaheitin

Þau voru fjölmorg í ár. Að fara að hugsa betur um sjálfan sig, koma sér í form, status á dag á fésbókinni, og að fara að blogga meira. 

Það er skemmst frá því að segja að ég hef ekki staðið við eitt einasta þeirra. Jú jú, kannski farin að drekka aðeins meira vatn en maður gerði og blogga einstaka færslu. En það er líka allt of sumt.

En nú eru að koma mánaðarmót. Mánaðarmót, áramót, er það ekki svona næstum því það sama? Nei ég bara spyr. En nú fer maður vonandi að taka á því. En þar sem ég veit að ég er ég, þá ætla ég ekki að vera með neinar yfirlýsingar.

Annars er það að frétta að exemið er að hrjá hana Soffíu núna. Það hefur legið niðri núna um hríð, en nú er hún öll útsteypt í andliti og á annari hendinni. Síðast kom þetta í kinnarnar, nú er það á hökunni og í kringum munninn. Ekki mjög skemmtilegt. En það er töggur í stelpunni og hún lætur þetta ekki hafa nokkur áhrif á sig.

Mér gengur líka bara vel í skólanum. Er miklu mun skipulagðari núna er í fyrra, enda var það s.s. ekki erfitt að bæta. Er búin með fyrstu verkefnahrinuna og sú næsta tekur við.

Góðar stundir!