Hversdagurinn tekur við!

Já nú er að komast rútína á lífið hjá okkur öllum. Allt vitlaust út af Icesave, börnin byrjuð á leikskólanum og ég byrjuð að undirbúa skólann. Byrja reyndar ekki fyrr en í næstu viku, en þar samt örlítin undirbúning. Þarf t.d. að lesa heila bók fyrir þriðjudaginn. Svona er þetta bara.

Dæturnar fóru á leikskólann í morgun. Í fyrsta skipti síðan fyrir jól. Voru mjög þreyttar í morgun en líka mjög spenntar. 

Frostið bítur mann þessa dagfanna.  - 11 gráðu frost þegar við hjónin vorum á ferðinni í morgun. Um tvöleytið hafði það að vísu mikið minnkað. En það er samt kalt.

Ég er nú ekkért að missa mig við forseta vorn í dag eins og svo margir aðrir. Verð bara að sætta mig við að Icesave umræðan heldur áfram um sinn.  Svona er þetta bara.

Heil og sæl!  

Laugardagsbítúrinn...

... var niður í Bakkafjöru að skoða hina nýju Landeyjahöfn. Tveir bílar með annars vegar okkur hjónum og dætrum okkar og hins vegar foreldrum mínum og bræðrum. Sáum fullt af grjóti, stóru grjóti. Mikið er nú búið þarna, en líka mikið eftir. Nú fyrst áttaði maður sig á því hvað er stutt til Vestmannaeyja. Fórum líka upp í námuna. Hún er stór, risastór. En samt virðist vera til nóg af grjóti. Það er í rauninni alveg ótrúlegt hverju mannskeppnan fær áorkað.

Svona sér maður Vestmannaeyjar úr fjörunni.

Búkollurnar eru nú engar smásmíðar.

Komin upp í námuna á Hamragarðaheiði

Bíll pabba í hluta af námunni (einu horninu)

 

Góðar stundir!

2010

 

Árið byrjar ágætlega. Þessi fyrsti dagur ársins bara svona venjulegur.

Horfði á skaupið og fannst það gott. Flugeldasýninginn á Selfossi var mögnuð, stóð fyrir sínu. Fólk fór satt, sælt og ánægt inn í áramótin.

Og svo er bara að vona að það megi vera svoleiðis áfram.

Góðar stundir!