Hvað er þetta hvíta?

spurði ég matargestina í gær, og benti út um gluggann.  Allir urðu uppveðraðir, héldu sennilega að ég hefði séð ísbjörn, því þeir eru víst mikið á ferðinni núna.  Kallinn var hálfnaður út í bílskúr eftir hólknum.  En nei, engin var ísbjörninn, en hinsvegar féllu hvítar flygsur úr loftinu (án gríns), já það snjóaði hér í gær.  Reyndar bara snjóél, en snjór samt.  Það er júní! Það á ekkért að snjóa í júní.  Það á að vera sól og blíða 20 stiga hiti og gott veður. Það á að vera þannig veður að ég nenni út úr húsi.  Svo var ekki nema 6° hiti á Egilstöðum í morgun. 6° í júní! Þetta er náttúrulega bara lögreglumál

 

Snjóþekja á Fjarðarheiði

Athugasemdir

[Jónína Þorbjörg Gunnarsdóttir (IP-tala skráð) 19.6.2008 kl. 12:37]

Það er nú ekki hlýindunum að fagna heldur hérna megin á landinu það er að segja á Snæfellsnesinu. Það er búið að vera norðaustan rok síðan á mánudag allavega á daginn, á kvöldin lægir stundum alveg niður í logn og maður veltir fyrir sér hvort það sé kannski best að snúa sólarhringnum við, sofa á daginn og vaka á nóttunni.

[JEG, 19.6.2008 kl. 12:50]

Já það er búið að vera norðan skítakuldi .....já í júní. Fáránlegt.

Knús og kveðja úr sveitinni.